Police-in rifle pali an man

Mizoram Police hnuaia CID, Special Branch (SB) chuan nimin zing khan Thenzawl daiah silai pali, a magazine leh a mu eng emaw zat an man.

CID (SB) te hian an thudawn bawhzuiin lirthei pakhat (bolero) lo tidingin, bolero-a chuang Albert Hlawncheu (54) s/o Kiplei, Bungtlang South leh C Rochungnunga (54) s/o Mangzela, Lawngtlai Council Veng nia inchhalte kut aṭangin .32 caliber rifle pahnih leh a magazine pali, .22 caliber rifle pahnih leh a magazine pahnih leh .22 ammunition 20 an man.

Silai man chung-changah hian Thenzawl Police Station-ah thubuai ziahluh niin, a kaihhnawih dang awm theite police-te chuan an chhui zui nghal.