Ralngama leh Tlangkhama hlate zirho

Mizo Academy of Letters (MAL) leh NE Khawdungsei Branch YMA chuan nimin khan NE Khawdungsei YMA Hall-ah Ralngama leh Tlangkhama hlate zirhona an buatsaih a, MLA Dr L Thangmawia'n a hmanpui.

Seminar hi MAL president Prof. RL Than-mawia'n a kaihruai a, MAL secretary Dr Zoram­dinthara'n seminar report a pe. Dr L Thangmawia chuan, thu leh hla chu khawvel thiamna sang zelah ngaihthah theih a nih loh thu sawiin, "Mihringte min phuar khawmtu leh min fuihtu, beidawnna leh manganna ruama kan awm lai pawha min hnemtu leh min fuih thartu a ni a, kan ngaihhlut deuh deuh a ṭul," a ti.

Seminar-ah hian mithiamte paper buatsaih zirho a ni a; MAL hruaitu te, NE Khawdungseia VC member te, tlawmngai pawl hruaitute leh higher secondary chool zirlaite an tel a ni.