Finance Minister thlak MNF party-in ṭul an ti lo

MNF party chuan nimin khan thuchhuah siam­in, Finance department enkawltu minister thlak ṭul an tih loh thu an tarlang.

MNF chuan, tun hnaiah political party ṭhenkhatte'n chhan hrang hrang vangin Finance Minister leh Chief Mi­nister thlak turin MNF an bei tih sawiin, "Finance Minister leh Chief Minister thlak zung zung te, nupui thlak zung zungte leh mahni party thlak zung zungte hi thil buaithlak tak a ni a. Chuvangin, MNF party chuan heng hi ṭul a tih loh avangin a ti mai dawn lo," an ti.

CM thlak duh party-te chuan MLA 21 aia tam neia sorkarna an siam hunah CM leh minister-te chu an duh hun hun­ah thlak zawk mai se a ṭhat tur thu sawiin MNF chuan, "A chhan holamtê avanga hetiang thil aupui vak vak leh tih hi Mizoram tan ṭul leh ṭhain kan hre ve lo a, tih pawh a tum hek lo. MNF chuan CM leh Finance Minister thlak hi ṭul a ti lo tih hi mipuite hriatah kan han puangzar a ni," an ti bawk.