CADC inthlan turah venhimna ṭha zawk phût

Congress Legislature Party leader Zodintluanga Ralte chuan, May 9, 2023-a Chakma Autonomous District Council inthlan turah venhimna ṭha zawk an phût tih a sawi.

Zodintluanga Ralte hian nimin khan Chotopansury-a vantlang inkhawmah thu sawiin, "CADC inthlanna tur MDC bial 20-a bial tinah muanawm taka inthlan a nih theih nan venhimna uluk zawk pe turin MNF sorkar kan phut a ni," a ti.

CADC inthlanpui awm tura Reng­kashya biala BJP candidate Amit Kumar Chakma, May 4, Ningani zanah mi kut tuara a thi chu pawi a tih thu sawiin Zodintluanga chuan, "Kum 35 chhungin CADC area-a inthlannaah vawi tam tak kan kal tawh a, tun ṭum anga buaina chhuak tam leh muanawm lo lutuk hi kan la tawng ngai lo," a ti.

Zodintluanga Ralte chuan, "Tun ṭuma BJP leh MNF-ten heti em ema inthlan an tirálmuang lo leh candidate-in nunna an chàn hial bakah, hliam tam tak an awm hi thil pawi leh zahthlak tak a ni," a ti.