Mamit district-ah sa man bithliah

Mamit bawrhsap Dr Lalrozama hoin nimin khan DC conference hall-ah Mamit khawpui chhunga sa man (rate) chungchang sawiho a ni a; sa zuar pawl hrang hrang hruaitu te, Mamit Joint VC Chairman, DVO, DFDO leh thuthar thehdarhtute an tel.

Dr Lalrozama chuan, Mamit khawpuia sa talh ṭhinte chu mipui hmakhua ngaia sa thianghlim chauh talh ṭhin turin a ngen a, sa man mumal zawka kalpui a ṭul thu a sawi.

Meeting-ah hian Mamita hman tur sa hring leh sa rêp man tur an bithliah a, May 25, 2020-ah hman ṭan tur a ni ang. Sa man tur chu, kg. khat zelah - vawk sa hring Rs. 350 (vawk sa rêp gram 600 Rs. 350), ar sa Rs. 300, vûr (challan) sangha Rs. 250, ui sa Rs. 400, kel sa Rs. 500, bawng sa a ti hlang Rs. 400, a ruhkawl (gram 600) Rs. 400, a ruhkawl rêp (gram 600) Rs. 300 leh a thin Rs. 450-te a ni.