Aibawk khua Golden Jubilee lawm

Deputy chief minister Tawnluia chuan May 5, 2023 khan Aibawk khua kum 50 tlin, Golden Jubilee lawmna hmanpuiin, jubilee lungphun a hawng a; hmun hrang hranga awm Zo hnahthlak nekchep leh harsatna tawkte'n ngaihven an mamawh thu a sawi.

Tawnluia chuan jubilee lawma kal­khawmte chu ram leh hnam hawia ngaihtuahna siam turin a fuih a, "Zo hnahthlak unau hmun hrang hranga awm, nekchep leh harsatna tawkte'n ngaihven an mamawh a, hmun hrang hranga Zo hnahthlak unaute harsatna tawha chhawm­dawlna kawngah Zoram mipuite hi a hnar­kaituah kan ṭang lo thei lo," a ti a, tun hnaia Manipur buaina chungchangah pawh Mizoram sorkarin theih­tawpa hma a lak nghal thu a sawi.

Aibawk khuain Golden Jubilee an hmang thei chu a lawmpui thu sawiin Dy CM chuan, "Aizawl aṭanga hnaite a nih avangin thlai leh theia Aizawl chawmtu zinga pawimawh tak in ni a, hemi kawngah hian ṭan la zel ang che u," a ti a, in lungrual leh taima taka awm zel turin a chah bawk.

Bialtu MLA Dr F Lalnunmawia pawhin thu sawiin, Golden Jubilee Souvenir a tlangzarh a ni.