Aizawl khawpuia branch YMA-te inkokhawm

Manipur state chhung buaina thleng meka Zo hnahthlakten harsatna an tawh chungchang ngaihtuahin nimin tlai khan Central YMA chuan an pisa-ah Aizawl khawpui chhunga branch YMA hruaitute a kokhawm.

He hun hi CYMA president R Lalngheta'n kaihruaiin, general secretary Prof. Lalnun­tluanga'n hriat tur pawi­mawh hrang hrangte a sawi.

Report pe tura lo thleng Manipur Group hruaitu leh Imphal Branch YMA hruaitute hnen aṭangin thil thlen dan leh nunna chânte bakah, tun dinhmuna ṭanpui an ngaih dan kimchang ngaihthlak a ni.

Aizawl khawpuia branch YMA kalkhawmte chuan Zo hnahthlak har-satna tuar mekte ṭanpui nan mahni branch huam chhung ṭheuhah ṭanpuina sumfai khawn ni se, hemi kaih­hnawiha raltlan lo lutte chu ṭha taka lo dawnsawn vek ni se, an ti.

Mahni branch YMA huam chhung ṭheuha raltlan lo lutte chhin­chhiahna Central YMA-in form a siam hmanga uluk taka lo chhinchhiah tura tih a ni bawk.