Pilot Community Intervention hawn a ni; District pathumah MHSSP - Pilot Community Intervention kalpui dawn
Mizoram Health Systems Strengthening Project (MHSSP) hnuaia Pilot Community Intervention chu tunhnai khan Mizoram Rural Bank Auditorium-ah hawn a ni. Intervention hi Kolasib, Mamit leh Lawngtlai district-a khua 56-ah thla ruk chhung kalpui chhin (pilot project) tur a ni.
MHSSP hi Health and Family Welfare department hnuaiah awmin, World Bank aṭanga sum hmuh hmanga Mizorama hriselna hmasawnna leh quality tihchangtlunna tura hmalakna a ni. Community intervention hi MHSSP project-a thil pawimawh tak pakhat a ni a, hei hian khawtlanga pawl awmsa MzSRLM, MHIP leh VHSNC-te nen an thawkho ang.
Sorkar thuchhuah tarlan danin, project hian hriselna chungchanga hriatthiamna tihpun nan communi-cation campaign kimchang tak leh demand-side intervention hrang hrang a siam dawn a, heng zingah hian natna kaichhawn theih loh langsar zual – thisen sang, zunthlum, oral cancer, hnute cancer leh chhul cancer-te a thlur bing dawn a ni.
Community intervention hi a tihchhinna (pilot project) Kolasib, Mamit leh Lawngtlai district-a khua 56-ah thla ruk chhung neih a ni dawn a; SHG Model hi Kolasib district-ah hman tum niin, MHIP Model hi Mamit district-ah leh Lawngtlai district-ah Village Health Sanitation and Nutrition Committee Model hman a ni ang. Pilot intervention aṭanga zir chhuah aṭangin district zawng zawngah hnathawh chhoh tum a ni.