Covid-19 vei mi 288 chhuah tawh

Nimin khan Covid-19 hripui vei dam tawh mi pahnih chhuahtir an ni a, hripui vei chhuahtir tawh zawng zawng chu mi 288 an ni ta.

Nimin chawhma dar 11:20 khan Lawngtlaia Covid care Centre (CCC) aṭangin hripui vei dam tawh nu pakhat, kum 54 mi chu chhuahtir a ni a, August 4, 2020-a Covid-19 negative tawh tih finfiah a ni. Lawngtlai district-ah hian hripui kai mi 23 an awm tawh a, mi 21 chhuak tawhin, mi pahnih an la chhuak lo.

Nimin chawhnu lam khan CCC dang AYUSH Hospital, Thenzawla enkawlte zinga hmeichhe pakhat chu chhuahtir a ni bawk a; ani hi Aizawl district mi a ni. Mizorama Covid-19 vei hmuh tawh mi 537 zinga mi 288 (53.63%) chu dam takin an chhuak tawh a, mi 249 (46.37%) an la chhuak lo. La chhuak lo zingah hian hripui vei tawh lo (negative tawh) tih finfiah tawh mi eng emaw zat an awm a; Kolasib district-a enkawl mek pakhat pawhin hripui a vei tawh lo tih finfiah a ni tawh.