CADC inthlanpuiah vote 75.67% a tla

State Election Commission (SEC) in nizan dar 7 thlenga a tarlan danin, Chakma Autonomous District Council (CADC) inthlan nimina neihah hriat theih chinah vote 75.67% a tla a, naktuk zing dar 8 aṭangin vote tlate hi chhiar a ni ang.

CADC-ah hian MDC bial 20 a awm a, nimin khan bial 19-ah inthlan buatsaih niin, Rengkashya bialah erawh candidate tualthihna vangin May 17, 2023-ah inthlan buatsaih a ni ang.

MDC bial 19-ah hian polling station 70 a awm a, vote nei mi 34,474 awmin, mipa 17,455 leh hmeichhia 17,019 an ni. SEC-in nizan dar 7 thlenga a tarlan danin, vote nei 34,474 zinga 26,088 in vote an thlak a, vote tla pencetarge hi 75.67% a ni.

Tarlan tawh angin, CADC-ah hian MDC bial 20 awmin, niminah bial 19 ah inthlan buatsaih a ni. BJP, Congress leh MNF-te chuan bial awm zawng zawng an chuh kim vek a, ZPM chuan bial 14 an chuh.