Mamit ṭhalaiin chak zawka hnathawh an duh

Mamit District Ṭhalai Pawl (MDṬP) hruaitute chuan nimin khan Power & Electricity minister R Lalzirliana chu a pisa-ah an kawm a, chak zawka hnathawh a nih theihna atana hmala turin an ngen.

MDṬP chuan 'Construction of 132 KV Sub-Station Bairabi to West Phaileng via Mamit Transmission Line' hnathawh mek chu chak zawka thawh an duh thu R Lalzirliana hnenah hian an thlen a, "Sum awm sa vek chung pawhin hnathawh a muang hle," an ti a, furpui lo thlen hma May, 2023 thla chhunga thawk zo turin an ngen.

Construction of 132 KV Sub-station Bairabi to West Phaileng via Transmission Line hi ni 19.4.2018 a thawh ṭan niin cheng nuai 5,495 senga February 2022 chhunga thawh zawh tura tih a ni. Hna hi Power and Electricity department-in an thawk.