Ruihhlo sem nan two wheeler taxi hman ṭhin a ni - Central YMA

Central YMA hruaitute chuan nimin khan an president R Lalngheta hoin Transport minister TJ Lalnuntluanga chu a pisaah an kawm a, two wheeler taxi hmanga ruihhlo semkual ṭhin an awm nia thu an dawn chungchang an sawipui.

Ṭhukhawm chuan Transport department leh CYMA ṭangkawpa two wheeler taxi neituah awareness campaign nei tura hmalak ni se, an ti. Hetiang ti ṭhin two wheeler taxi khalh man chhuah an awm a nih chuan an permit cancel thlenga hmalak pawh a ngaih theih thu an sawi.

CYMA hruaitute chuan Forest Minister hnenah hian forest reserve area chhungah dan loa thingzai ṭhin an awm thu an hrilh; Minister chuan CYMA hruaitute thu thlen chungchang chu a kaihhnawih department-te sawipui a tum thu a lo hrilh niin sorkar thuchhuahin a tarlang.