Mega Job Fair khar a ni; mi 50-in hna an hmu nghal

Labour, Employment, Skill Development & Entrepreneurship (LESDE) department buatsaih Mizoram Mega Job Fair (National and International), 2023, chu nimin khan khar a ni a; fair tlawhtu mi 2,110 awmin, a hmuna hna hmu nghal (on the job placement) mi 50 vel an awm.

Millennium Centre chung zawla Mizoram Mega Job Fair-ah hian company hrang hrangten sector - financial institutions, banking, healthcare, service, automobile, IT, FMCE, tourism and hospitality, beauty & wellness etc. sawm khawmin hna 1,800 chuang an rawn chhawp chhuak a ni.

Fair hi ni hnih (May 9-10, 2023) chhung neih niin tlawhtu inziaklut hi mi 2,110 an ni a, a hmuna hna hmu nghal (on the job placement) mi 50 vel an awm. Employer-te hnena in register, interview leh document ensak hmabak hi nimin tlai dar 5 thleng khan mi ṭhahnem tak an la awm niin sorkar thuchhuahin a tarlang.