Electric tower sawn chungchang LRS Minister kaihhruaiin sawiho

Land Revenue & Settle­ment (LRS) minis­ter Lalruatkima pisaah nimin khan 'Scree­ning Committee for Exemp­tion of SIA on the Land Acquisition for shifting of Electric Tower’ an ṭhukhawm a, Seling - Champhai inkar electric tower No-45(A) sawn tura Social Impact Assessment (SIA) exemption chung­chang an sawiho.

Ṭhutkhawmah hian Power & Electricity de­par­t­­ment chuan electric tower sawn chu a hman­hmawhthlak tawh thu an sawi a; "SIA exempt turin competent authority-ah phalna dil ni se," an ti.

Tower chu sawn thuai a nih loh chuan tower-in a chàwm khuate an thim reng dawn, "Dan-in a phal angin mipui vantlang ṭhatna tur chuan compulsory acquisition kalpui theih a nih thu leh a rang lama hmalak a ṭul avangin bawhzui thuai ni se," an ti bawk.

Sorkar thuchhuah tarlan danin, SIA hi elec­tric tower sawn avanga kawng hrang hranga mipui a nghawng theih dan leh mipuiin an hlawkpui theih dan tur zirchianna a ni a, mipui vantlang hamṭhatna tur leh a ṭha lo zâwnga nghawng awm lo tur hmalaknaah chuan exempt theih a ni.