ZPM-in ṭhalaite a dawm kang dawn - ZPM Ṭhalai President

ZPM Ṭhalai president Dr C Lalrammawia chuan nimin khan Thekpui khuaah thu sawiin, ZPM-in ṭhalaite an dawm kang dawn niin a sawi.

Dr C Lalrammawia chuan, Mizo ṭhalaite'n khawpuiah mi in luahin inchawm thei ṭawk ṭawkin hna an thawk tih sawiin "Ṭhalaite hi anmahni khua leh an in pui aṭang ngeia hna an thawh tur eizawnna kan siam sak a ngai a ni. ZPM chuan ṭhalaite a dawm kâng dawn," a ti.

ZPM a sorkar chuan Lalduhoma kaihhruaina hnuaiah a takin 'dah policy' kalpui a ni dawn tih sawiin ZPM Ṭhalai President chuan, "Bana kaih policy hmangin kan ṭhalaite mahni kea an an din theihna turin kan ṭanpui dawn," a ti a, kuthnathawktute pawhin an thawh hah man hlawk zawka an têl tur thu pawh a sawi.

Dr C Lalrammawia chuan politics thil tihtheihna hmanga thil tithei lo zawkte rah beha an awm ṭhin chu pawi a tih thu sawiin, "Politics-ah hlauh an neih avanga an sawi duh pawh sawi ngam lo leh an duhna pawh tilang ngam loa mipuite an awm ṭhinna hi ZPM sorkârah nuaibo a ni ang," a ti.