Vairengte gate entry dan hi a him chiah em?

Ni 21 August, 2020 Friday zing khan Home Depart­ment-in Mpas min pek angin Vairengte ah Health Department  hnenah ka in report a. 

RAT test ti turin kan intlar. A hnu-ah test a ngai lo, Aizawl ah Dengṭhuama Hall ah han in report ru, an ti leh a. Dengṭhuama Hall kan han thleng a, a huho in min awm tir a. Kan pawlh sawp leh viau tho mai a. 

Chutah pawh chuan min test ta chuang lo chuan kan in quarantine na hmunah min tir liam leh nghal a.

Quarantine na hmunah hian ei leh in kan in tum vek a, vawi khat ei ah Rs 150/- a ni a. Kan chawhmeh chu iskut kan, dal dispo khat, bai a ni tawp mai. Sipai chhuṭi ho phei chuan to an ti khawp mai. 

Sorkar in buatsaih dan hi a holam hle in ka hria. Vairengte thlang lama truck tangkhang tamzia te khu pui tak a ni. Motor intlar thla khuan Lailapur khawlai a pel tawh.  Tin, gate a Health department staff te pawh khu an tlem lutuk hrim hrim. A lo lut an an tam ngaihtuah khuan.

Kar hmasa lawkah vai driver Covid19 symptom nei kawng lakah Kolasib bul lawkah kawngpui NH sira lo mu chhar a ni a. Test a nih chuan a lo positive lehnghal a.  Engtinnge kha driver khan Vairengte gate a rawn pelh theih tih hi ngaihtuah tham a tling ta bawk.

News-ah chuan  Vairengte ah RAT test nei vek angin department-in thu­chhuah an siam si a. Chutihlaiin keini ngei pawh RAT emaw a test nei miah lovin quarantine centre thleng khan min luhtir si, a va him lo em. 

Testing kit hi kan lo tlachham leh reng tawh zawk em ni?