Governor-in Hnahthial a tlawh

Governor Dr Hari Babu Kambhampati chuan nimin khan Hnah­­thial district a tlawh a, sorkar leh bank hotute, kohhran, politi­cal party leh tlawm­ngaipawl aiawhte a kawm a, chumi hmain KVK Lunglei Complex office, Hnahthial kawtah Horticulture, Agriculture, Sericulture, and AH&Vety department leh KVK leh MzSRLM-ten dawr an hawnte a endik.

Governor hian Tuipui D khuaa Project Pushpak-te lei (bridge) an dawh tur a enfiah nghal a, BRO Chief Engineer chuan lei dawh tur atana thil ṭul hmasate tihfel a nih tawh thu leh hna thawh ṭan theih thuai an in beisei thu Larsap a hrilh. Lei dawh hna hi kum hnih chhunga zawh hman tura ruahman a ni.