MNF-in CADC result-ah lawmthu an sawi

MNF chuan thuchhuah siamin, CADC inthlan result chu harsatna leh buaina lian tham awm loin puan zawh a nih thu tarlangin, "He inthlanna tluang taka neih a nih theihna tura buaipuitu official zawng zawngte chungah lawmthu kan sawi," an ti.

Bial 10 lai an lak theihna tura vote-tu leh thawktu zawng zawng chungah lawmthu sawiin MNF chuan, "Kan candidate-te tlin theihna tura theihtawp chhuaha beitu zawng zawngte chungah lawmthu kan sawi a ni," an ti a, inthlan result hian Zoramthanga kaihhruai Mizoram sorkar rintlakzia lantirna leh kumin kum tawp MLA inthlanah MNF-a sorkar leh ngeina tur a hril nia an ngaihthu an tarlang.

MNF chuan CADC inthlan chu kum 2018 leh 2023 inkar, kum nga chhunga inthlanna neih hrang hrang zinga a hnuhnung ber tur a nih tawh avangin kumin MLA lo awm turah pawh hian CADC huam chhungah leh Zoram hmun hrang hrangah thui takin nghawng a neih ngei an ring.