Lui humhalhna dan duan chhin thlirho

Deputy chief minister Tawnluaia hoin nimin khan Mizorama lui hrang hrangte humhalhna atana Committee on Draft Mizoram Protection Bill hnuaia sub-committee in dan an duan chin (draft bill) thlirho a ni.

Tawnluia chuan, Mizorama lui hrang hrangte chu tui in tur atan te, thlai chawmna atan leh thil danga rinpui berte an nih thu a sawi a, "Mihring kan lo pung chho zel angin tui mamawhna pawh a sang chho ve zel a, mahse hetih rualin kan tuihnate'n kiam lam a pan zel si avangin nasa leh zuala kan luite hi humhalh a ngai," a ti.

Ṭhutkhawmah hian The Mizoram (Protection of Rivers) Bill, 2023 duan chhin chu sawiho niin, dan in a hrut leh a kaihhnawih department hrang hrang – PHE, EFCC, Agriculture, Irrigation & Water Resources, LRSWC, LAD, LRS, Fisheries, GAD leh Planning department-te aiawh te an tel.