Industrial policy chungchang sawiho

Industrial Development Board chu nimin khan an chairman Dr R Lalthang­liana, Commerce & Industries minister hoin Secreta­riat conference hall-ah an ṭhukhawm a, industrial policy ruahmanna hrang hrangte an sawiho.

Dr R Lalthangliana chuan, Covid-19 boruak a awm chung pawhin Union Finance Minister thusawi chu lawmawm a tih thu sawiin, "Cheng vbc. 5000 chu Ministry of Micro, Small and Medium Enterprises (MSME)-ah dah a ni a, sum hrim hrimah chuan kan zia hret. Guideline-ah hian bank-te nen kan thawhho ṭhat a ngai hle. PMEGP loan-ah pawh tun hmaa harsatna chi hrang hrang kan tawh ṭhinte kha felfai thlap si, awlsam zawka loan pek dan kan kalpui a ngai," a ti.

Commerce & Industries director J Hming­thanmawia chuan, meeting hmasa-a an rèl, Industrial Policy 2012 drafting chu ṭha an tih thu sawiin, "Study group-in kan thlirho a, active takin kan bawhzui. SEDP kalpui turah nodal department-te identify ila kan ti a, trade hrang hrang SEDP-a thlan turah kan chiang tawh hle. Industrial Policy kan tih mai kha Industrial & Investment Policy tiin kan thlak. Hman ni lawkah National Bamboo Mission aṭangin cheng nuai 70 an rawn pe chhuak a ni," a ti.

Meeting chuan, industry hnuaia SEDP hnuaiah beauty parlour, tailoring leh thil dangah beneficiary 1,000 ṭheuh thlan a, mipa khat tan Rs. 1,60,000 ṭheuh pek phawt an rél a ni.