NH-54 ah containment zone

Kolasib district magistrate Dr H Lalthlangliana chuan, NH-54 kawngpuia Thingdawl leh Seṭhawn (Bualpui) inkara Hmawngkhawthlir leh Seṭhawn inkar bik chu tlawhpawh phal lohna hmun, containment zone-ah a puang. Hei vang hian nimin tlai dar 6 aṭang khan lirthei reng reng tlàn tlang phal a ni lo.

Sorkar thuchhuah tarlan danin, NH-54 thawm ṭhat hna thawh mek avangin hunbi neiin kawngpui khâr a ni ṭhin a, chvang chuan Thingdawl leh Bualpui inkarah bungraw phur lirthei tangkhang eng emaw zat an ding ṭhin. Lirthei tangkhang enkawltute chu Kolasib DC ruahmannain Covid-19 Screening Team-in Rapid Antigen Test (RAT) hmangin an endik ṭhin a ni.

Lirthei enkawltute RAT hmanga swab sample endiksak an nih avang hian Kolasib DC chuan containment zone a puang a, zone chhungah lirthei leh mihring luh leh chhuah phal a ni lo a, dawr hawn khap a ni.