MLA-in kawngpui siam mek a tlawh

Road Infrastructure Development Board vice chairman H Lalzirliana, MLA chuan nimin khan Mamit district chhunga National Highway (NH) 44A kawngpui sial hna thawh mek a tlawh a; kawng siam chu ṭha thawkhat mah se, duhkhawp loh laite a awm avangin a rang lama siamṭha turin PWD hotute a ngen.

H Lalzirliana chuan, NH-44A kawng siam mekah Dàmpui khaw hnuaia hna harsa lai leh lung hmun laih tlang a ni ta chu lawmawm a tih thu a sawi a, "Kawngpui hi peih a nih hunah chuan Mamit district-a chengte tan Aizawl pawh rei lo têah a thlen zung zung theih tawh dawn a ni," a ti.

MLA H Lalzirliana hian Daplui lei, Teirei lei, Darlak leh NH-44A aṭanga Dampui khaw panna kawng sial thar mek a tlawh bawk a, NH-44A Mamit khawpui luhna péngṭhuam cheibàwl dan tur UDPA hotute a sawipui nghal.

NH-44A kaltlanga lei (bridge) siam mek hna kal dan report-a a lan danin, Dialdâwk luia lei metre 30-a sei chu zawh a ni tawh a; Daplui lei siamah 50%, Teirei lei siamah 60.68% leh Langkaih lei siamah 13% thawh zawh tawh a ni bawk.