HSLC, 2023-ah vohbik zirlai 21 an pass

High School Leaving Certificate (HSLC) Examination 2023 result May 11, 2023-a tihchhuah takah vohbik, persons with disability (PwD) zirlai 21 an pass.

PwD commissioner Vanlaldiki Sailo tarlan danin, kumina HSLC Examination-ah hian PwD Commission-in an hriat theih chinah mi 21 an pass a; chungte chu - mit ṭha lo (low vision) mi 15, spastic leh beng ṭha lo mi pahnih ve ve leh, locomotor disable leh cerebral palsy mi pakhat ve ve an ni.

Vanlaldiki Sailo chuan, kumin HSLC-a vohbik zirlai ṭha taka pass-te an chhuan thu leh an lawmpui thu a sawi a, an zir zelna turah duhsakna a hlan a ni.