International Life Saver Award sem a ni

National Integrated Forum of Artists & Activists (NIFAA) chuan May 11, Ningani khan Pachhunga University College seminar hall-ah 'International Life Saver Award' hlanna inkhawm an hmang a, Health & Family Welfare minister Dr R Lalthangliana'n a hmanpui.

Dr R Lalthangliana chuan, Covid-19 hripui len vanga harsatna tam tak tawh a nih laia midangte nunna chhanhim tura NIFAA in thisen pek runpui a huaihawt theih avangin mi tam takin damna an chang tih a sawi a, "In hnathawh hi India khua leh tui chauh ni lo, khawvelin a hriatpui a, Guiness Book of Record-ah NIFAA hming hi a chuan phah a ni," a ti a, NIFAA chu India rama pawl lian leh pawimawh berte zinga mi a nih angin midangte tana entawntlak ni zel turin duhsakna a hlan.

NIFAA founding chairman Pritpal Singh Pannu pawhin thu sawiin, kum 2021 khan India ram zalenna sualtu martar pathum - Bhagat Singh, Rajguru leh Sughdev-te hriatreng nan India rampumah Samvedna 'Blood and Plasma Donation' huaihawt a ni a, thisen unit 90,000 pek a ni. Hei vang hian 'World Book of Records' London-ah NIFAA hming chuangin, tun dinhmunah 'Guiness World Record' vawi ruk an siam tawh a ni.

International Life Saver Award hi NIFAA Chapter hrang hrangah sem ṭhin niin, mimal leh pawl hnenah pek ṭhin a ni a; tun ṭumah hian mimal/pawl 10 hnenah pek a ni.

International Life Saver Award dawngtute

1. ECM, KṬP - Headquarters, Siaha

2. NSS Unit, PUC

3. Students' Union, Govt. Serchhip College

4. NIFAA, Siaha district

5. NIFAA, Mamit district

6. JJ Cultural Club, N Vanlaiphai

7. Dr Zoramdinthara

8. Alex Zosangliana

9. Jacinta Vanlalengzami

10. Esther Hnamte