RD Minister-in Saitual DRDO pisa a hawng

l Development minister Lalruatkima chuan May 11, Ningani khan Saitualah DRDO pisa leh project director pisa thar a hawng a; Khawzawl leh Hnahthial district-a DRDO pisa pawh hawn mai theih tura peihfel a nih tawh thu a sawi.

Lalruatkima chuan, Mizorama RD block 28-ah thingtlanga awmte tihhmasawn nan chak taka hmalak a nih thu a sawi a, "MNREGS hnathawh bikah phei chuan India rama tehna hrang hrangah Mizoram chuan pakhatna nihna a hauh nual a, chuvang chuan MNREGS leh Rurban-a Mizoram kalphung leh hmalak dante zir turin India ram hmun hrang hrang, Puducherry aṭangte meuh pawhin an Minister-te an lo kal," a ti.

PMAY-ah pawh Mizoram chu a thawk ṭha hle nia sawiin RD Minister chuan, "Beneficiaries pawh PMAY plus 20,000 chuang zet kan nei a, Rurban cluster pahnih ni ṭhin pawh hnathawh ṭhat avangin pali kan neih belh tawh. PMKSY 2.0-ah pawh project implementing agency 18 ni ṭhin chu hnathawh ṭhat avangin 20-ah min tih belh sak," a ti a, hmasawnna te hi vawi khata thleng mai thei a nih loh avangin zawi zawia zirtirna in pek chhoh a ngai tih a sawi bawk.