MZP-in Manipur-ah buhfai an thawn

MZP chuan thuchhuah siamin, Manipur buaina avanga Zofaten ei leh bar an lakluhna kawng a pin tak avangin Churachandpur-ah buhfai bag 70 an thawn thu an tarlang.

Buhfaite hi MZP chuan Manipur-a tlawmngai pawl hrang hrang Joint Philanthropy Organisation (JPO)-te kutah a hlan a, anni hian member harsa zualte hnenah an sem ve leh a ni.

JPO hian buhfaite hi Kuki Khanglai Lawmpi (KKL) hnenah bag 10, Hmar Youth Association (HYA) hnenah bag 10, Young Paite Association (YPA) hnenah bag 10, Simte Youth Organisation (SYO) hnenah bag 5, Zou Youth Organisation (ZYO) hnenah bag 5, Young Vaiphei Association (YVA) hnenah bag 10, Young Mizo Association (YMA) hnenah bag 10 an hlan a ni.

Heng bakah hian mi harsa leh a mamawh zualte hnenah Manipur MZP chuan kg. 10 den denin a sem kual bawk.

Vehbur khawna damdawi leh thil hrang hrang an lakkhawm mek zel thu tarlangin MZP chuan, "Hun remchang hmasa berah hengte hi thawn leh tura ruahman a ni," an ti a, a ṭul apiang buaipui a, hmalakpuitu Supply minister K Lalrinliana leh Law minister TJ Lalnuntluangate chungah an lawmthu an sawi.