CADC inthlanah ZPM an lawm

ZPM chuan nimin khan an pisa-ah political session an nei a, ZPM working president K Sapdanga chuan Chakma Autonomous District Council (CADC) inthlanah an party an lawm thu a sawi.

ZPM Working President chuan, CADC inthlan neih zawh takah tuilêt hnua a vawi khatna atan an party chuan candidate an neih thu sawiin, "Candidate 13 lai mai kan nei thei a, bial 5-ah phei chuan vote tlemtê tê chauhin kan tling zo lo a ni," a ti.

Hlawhtlinna chang zo lo mah se, vote 2,000 chuang an party-in an hmuh theih thu sawiin K Sapdanga chuan, "Hmasawnna ropui tak a ni. ZPM Party ticket-a ding zawng zawngte chungah rilru leh thinlung takin lawmthu ka sawi," a ti a, CADC-ah pawh ZPM-in hma an sawn zel a rinawm thu a sawi.