BJP MDC pathumin MNF an zawm

Chakma Autonomous District Council (CADC) inthlan neih zawh taka BJP ticket-a MDC atana thlan tlin mi pathumte chuan MNF an zawm.

CADC inthlanah hian MNF chuan seat 10 lain, sorkarna siam tura seat lak ngai zat 11 an lak tlin loh avangin party malin sorkarna an siam thei lo. BJP MDC pathumte'n MNF an zawm tak avang hian MNF chuan sorkarna an siam thei ta a ni.

BJP aṭanga thlan tlin MNF zawmtute chu Ajasora bial aṭanga thlan tlin Santosh Chakma, Devasor bial aṭanga thlan tlin Montu Chakma leh Kamalanagar North aṭanga thlan tlin Parimal Chakma-te an ni.