PAHOSS sum cheng nuai 4,987 sorkarin K-deposit ah a dah mek
Mizoram sorkarin traffic jam tihziaawmna atana a duan Parking House Support Scheme (PAHOSS) sum cheng nuai 4,987 chu K-deposit ah a dah mek.
PAHOSS nodal department UDPA chuan PAHOSS dilna 1,456 an dawng tawh a, a dawng turin mi 403 thlan an ni tawh. Mi 11 in zo fel tawhin, third/final instalment pek tawh an ni. Mi 26 chu an inhnukdawk thung.
PAHOSS sum hi instalment thum (40:30:30) a pek chhuah niin, mi 140 hnenah 1st instalment cheng nuai 890 pek chhuah a ni a, mi 47 hnenah 2nd instalment cheng nuai 200.60 pek tawh niin, final instalment mi 11 hnenah cheng nuai 34.20 pek tawh a ni.
Parking House Support Scheme dawng tura thlan chhuah sum la pek loh leh pek tawh pawh instalment la pek loh eng emaw zat an awm. Hetihlai hian PAHOSS sum cheng nuai 4,987 chu K-deposit ah dah a ni.