Khawzawl dist.-in ruihhlo dona atan Rs 5,50,000 an dawng

Khawzawl district bawrhsap K Lalrohlua hoin May 12, 2023 khan District Level Narco Coordination Centre (NCORD) Committee chu DC conference hall-ah an ṭhukhawm a, hmalawk tawh dan leh hmachhawpte an thlirho. Khawzawl district chuan sorkar aṭangin ruihhlo dona atana hman tur Rs 5,50,000 an dawng tih tarlan a ni.

K Lalrohlua chuan, ruihhloin khawtlang nun a tihchhiat thu te, ruihhlo do kawngah thawhhona ṭha neih a ṭul thu leh Khawzawl district chuan sorkar aṭangin ruihhlo dona atana hman tur Rs 5,50,000 an dawn thu a sawi.

Ṭhutkhawmah hian kumin kum kal meka damdawi hman sual leh ruihhlo ṭhat loh zia inzirtirna (awareness campaign) neih dan thlirlet a ni a; May thla chhung hian Vankal, Vanchengpui, Chhawrtui leh Khawzawl khawpui chhung sikul hrang hranga zirlai naupangte zingah ruihhlo ṭhat loh zia inzirtirna neih tura ruahman chu chak taka bawhzui ni se, an ti.