Durtlang Playground siam tur lungphum phum

Deputy chief minister Tawnluia chuan May 13, Inrinni khan Durtlang community hall-ah Durtlang Playground siamna tur lungphum a phum. Playground hi Aizawl Smart City Project hnuaiah cheng nuai 1,787 senga sak tur a ni.

Tawnluia chuan, Smart City hnuaia playground changtlung leh ṭha tak tur lungphum phum a ni chu lawmawm a tih thu a sawi a, "Durtlang playground tur hi Mizo ṭhalai leh infiam mite tan chhen­fakawm tak tur, ramchhung leh khaw­vel huapah pawh Mizote hming chherchhuaktu a nih ngei ka beisei. Veng mipuite'n neitu thin­­lung puin a enkawlna kawngah theih­­tawp chhuah fo ang che u," a ti.

Khualzahawm Lalrinenga Sailo, Aizawl mayor pawhin thu sawiin, Durtlang Playground chuan eizawnna kawng hrang hrang a hawng dawn nia sawiin, "Veng chhung mipuite tan a lawmawm takzet a ni," a ti a, ṭangkai taka mipui­ten an hman theih nan leh ṭhalaiten hlawhtlinna atana an hman chu a duhthusam a nih thu a sawi.

Durtlang playground tur hi 110m X 68m a zau tur niin, astro turf phah a ni ang.