Aizawl - Agartala thlawhna service chhunzawm tir dan tur sawipui

Transport minister TJ Lalnuntluanga chuan May 12, 2023 khan Tripura Transport minister Sushanta Chowdhury chu Agartala-a a pisaah a kawm a, June, 2023 aṭanga tawp mai tur nia hriat Aizawl - Agartala Flight service chhunzawm zel dan tur a sawipui.

Minister pahnih hian Aizawl - Agartala Flight Service chhunzawm zel a nih theih nan theihtawp chhuaha bawhzui tlàn ṭha an ti a; Ministry of Civil Aviation leh thlawh­theihna company thunei­tute hnena ngenna siam turin thutlukna an siam.

Agartala Mizo Welfare Association (AMWA) hruai­tute Aizawl to Agar­tala Flight service June, 2023 aṭanga tawp mai tura hriat chungchanga hmalak pui tura an ngenna TJ Lalnuntluanga hian a bawhzui a ni.