NGO hruaitute'n sorkar laipui an dawr

Manipur buaina chung­changa sorkar laipui hotu­te dawr turin All NGO Coor­dination Committee hruai­tu­te chu Delhi-ah an cham mek a, nizan khan Union Home minister Amit Shah an kawm thei dawn nia thudawn a ni.

Vanglaini palai zawhna chhangin Delhi-a kal zinga mi CYMA vice president Lalhmachhuana chuan, nizan khan Union Home Minister-ah appoinment an neih thu a sawi a, "Zan dar 7-ah inhmu tura tih kan ni. Kan thlen tum ber chu Manipur-ah boruak muanawm a awm thuai theihna tura hma la tura ngen a ni," a ti.

All NGO hruaitute hian Union Law minister Kiren Rijiju leh All India Congress Committee hruaitu Rahul Gandhi pawh hmuh an tum a, an hmu thei dawn em tih a la chiang lo.

Delhi-ah hian CYMA Vice President bakah hian CYMA fin. secretary Roneih­thanga, MUP vice president Lalbiakmawia Khiangte, MHIP president Ngurmawii Sailo, MZP gen. secretary Jacob Lalmuanpuia leh MSU vice president Laldin­sangate an kal.