DC hoin Lawngtlai district plan sawiho a ni

Lawngtlai bawrhsap David Lalthantluanga hoin DC conference hall-ah May 12, 2023 khan sorkar hotute'n India Constitution Article 275(1) kaltlanga District Plan 2023-24 ruahmanna chungchang an sawiho. Kum 2021-22 atan Lawngtlai district chuan cheng nuai 217 a dawng a, kum 2022-23 atan cheng nuai 338 ruahmanna thehluh a ni tawh tih tarlan a ni.

Ṭhutkhawma tarlan danin, India ram danpui (Constitution) Article 275(1) behchhana sorkar laipuia Ministry of Tribal Affairs hnuaia ram chhunga tribal mipuite tana hmasawnna tur hna thawhna (tribal development programme) atan kum 2021-22 chhung khan Lawngtlai district chuan cheng nuai 217 a dawng a; kum 2022-23 atan cheng nuai 338 ruahmanna thehluh a ni tawh.

Lawngtlai district aṭanga District Plan atan hmasawnna kawng hrang hrang - education, health, water supply, agriculture & allied, commerce & industries, administrative structure, skill development, infrastructure development leh sports lam atante ruahmanna siam ṭhin a ni a, eng emaw zat chu sorkar laipui aṭanga pawmpuina hmuh tawh leh hna thawh tawh a ni. Project pawm tawh sa, a tahtawla sum dawn beiseina eng emaw zat a awm bawk.