Minister-in Hmawngkawn khua a tlawh

Tuikum Bialtu MLA Lalrinawma, minister chuan May 13, Inrinni khan a bial chhunga Hmawngkawn khua a tlawh a, hmasawnna hnathawh kal mek leh sorkar hmunhmate a enfiah.

Lalrinawma chuan, khawtlang hmasawnna atana hmalak mekte leh khawtlangin a neih tawh sate hman ṭangkai chu mipuite mawhphurhna a nih thu a sawi a, "Khua leh tui ṭha kan nih angin khawtlang hruaitute thu ngaichang chung zela kan hmunhma leh hmanruate kan chhawr thiam a pawimawh hle, " a ti a; Hmawngkawn khuaa sorkar hnathawkten an harsatna leh mamawh an thlenah a theih anga hma a lakpui tur thu a hrilh.

Minister hian Hmawngkawn khuaa khelmual laih mek, laih chhunzawn dan tur te, anganwadi centre, primary school, MHIP In leh health clinic centre-te a bakah Chhuanthar Tlangnuam aṭanga Tuipui panna link-road laih mekte a tlawh.