Zoramthanga kaihhruai Mizoram sorkarin hna tam tak a thawk - Dr R Lalthangliana

Health minister Dr R Lalthangliana chuan May 13, Inrinni khan Serchhip District Hospital a tlawh a, Zoramthanga kaihhruai Mizoram sorkarin hna tam tak a thawh thu a sawi.

Dr Lalthangliana chuan Covid-in kum hnih chuang min tibuai chung pawhin Zoramthanga kaihhruai sorkarin hna tam tak an thawh thu sawiin, "Sorkar term tawp dawn thlengin ram tana rotling thil lian tak tak a lo thleng a, hna ropui tak tak a thawk a ni," a ti.

Health Minister hian Serchhip District Hospital building thar cheng nuai 2,000 senga sakna tur hmun hma leh sak dan turte a enfiah nghal. Building sakna senso tur hi Power Grid Corporation of India aṭanga hmuh tur a ni.

Building thar sa tur hian thil tam tak chinfel hmasak ngai a awm thu sawiin Dr R Lalthangliana chuan, "Tuna building hlui hi lo ṭhiat ta i la, khawiah nge damlo enkawl mekte ṭha taka lo enkawl lailawkna tur ngaihtuah hmasak a ṭul. Ṭha taka sak theih a ni ang," a ti.

Dr R Lalthangliana hian Inrinni vek khan Hnahthial District Hospital thar cheng nuai 1,700 senga khum 50 awm theihna tur sak mek pawh tlawhin, a hmun hma a enfiah nghal.