Sairanga Cold Chain Development (cold storage) tlawh

Chief minister Zoramthanga chuan a department enkawl Horticulture department-in Sairanga Cold Chain Development (cold storage) an din chu nimin khan a tlawh a; hmabak la awmte leh a ṭangkai thei ang bera hman dan turte Horticulture department hotute nen an sawiho.

Sorkar thuchhuah tarlan danin, cheng nuai 250 sénga din cold chain building - Integrated Pack House chu sq.ft. 3,950-a zau a ni a, a chhungah thlai dah vawhna pindan pali a awm. Siam zawh la ni lo mah se, enchhin (trial) a ni tawh a, a hman tlak hle dawn tih finfiah a ni.

Thei leh thlai ṭawih awlsamte hun rei tak chhung vawn ṭhat nan hman tur a ni a, a sawngbawlna tur hmanrua hrang hrang a awm. Thei leh thlai thartute'n a vànglaia an hralh bâng dahṭhat a, a vàn hun laia man man zawka an hralh theihna tura ruahman a ni. Thei/thlai quintal 800 a len dawn bakah, a thliarna hmunah quintal 200 a leng dawn.

CM Zoramthanga hi Horticulture Board vice chairman Prof. F Lalnunmawia, MLA leh department hotute'n an ṭawiawm a ni.