Special Judge-in hremna a tichhuak
Special Judge (Prevention of Corruption Act) Dr HTC Lalrinchhana chuan nimin khan National Rural Health Mission (NRHM) mission director hlui Dr N Pallai leh Health dept.-a EE a awm ṭhin Lalsangliana Chhakchhuakte hremna a puang.
Special Judge chuan Dr N Pallai hi kum 4 chhung jail-a tang tur leh cheng nuai 24 chawi turin a hrem a, pawisa hi a pe thei lo a nih chuan kum 12 chhung jail a tan belh ang.
Lalsangliana chu cheng nuai 6 chawi tur leh kum 1 jail tang turin a hrem a, pawisa hi a pe lo a nih chuan kum 3 chhung jail a tan belh a ngai dawn.
Tarlan tawh angin Special Court hian Dr N Pallai leh Lalsangliana Chhakchhuak hi May 12, 2023 khan cheng nuai 29.48 tihchingpen thubuaiah thiam loh a chantir a ni.