Tualthattu nia rinhlelh man

May 16, Thawhlehni zinga Serchhip Buk­pui leh Chhiahtlang Chhim Veng inkar kawng­ thlanga ruang chhar - Lalsangzuala (31), Mission Vengthlang, Aizawl thattu nia rinhlelh chu nimin chawhnu khan man a ni.

He thil thleng chhui tura din Serchhip SDPO kaih­hruai Special Investigation Team (SIT) chuan hnu chhui hna ngawrh taka thawkin, nimin chawhnu khan he tualthahnaa inhnam­hnawih ni ngeia hriat Laldinthara (42) s/o J Biakthanga (L), Khaw­ruhlian Vengchung chu an man a ni.

Laldinthara hi Ser­chhip Police Station-ah thubuai siam sak a ni a, thu zawhfiah a ni ang. Midang rinhlelh man erawh an la awm lo.

Serchhip aṭanga thu­dawn danin, Laldin­thara hian May 16 zing khan Aizawl pan tur maxi cab chu Chhiahtlang leh Lamchhip inkar ram­hnuaiah lo pharin Aizawl a pan a ni.

Laldinthara hi a khaw­sa ziaah rinhlelh a nih avangin Serchhip Police-te chuan man tumin nimin khan Aizawl an pan ve nghal a, Aizawl Police-te nen ṭangkawpin an man. Police-te hmaah a inpuang tawh nia hriat a ni.