Mobile phone hmangte himna tur Sanchar Saathi portal hawn a ni

Union Communi­cations minister Ashwini Vaishnaw chuan May 16, Thawhlehni khan New Delhi-a Rail Bhawan conference hall-ah mobile phone hmangtuten himna (security) ṭha zawk an neih theihna tura ruahman - Sanchar Saathi portal a hawng. Mizoram sorkar aiawhin IGP (Intelligence) Veenu Bansal, SP (CID & Crime) Bhisham Singh, SP (Cybercrime) Lokesh­wa­ran R leh hotu dangte an tel.

Sanchar Saathi portal (www.sancharsaathi.gov.in) hi sorkar lai­puia Department of Tele­com­munications-te siam a ni. Portal kaltlang hian mobile phone hmangtuten an­mahni hminga mobile connection register a ni em tih an hriat theih bakah, an mobile an tihbo palhin block emaw, chhui zui leh zawn chhuahna kawngah leh kawng tam takah a pui thei dawn a ni.

Portal-ah hian mo­dule hrang hrang - Central Equipment Iden­tity Register (CEIR), Tele­com Analytics for Fraud Management and Consu­mer Protection (TAFCOP) leh a dangte a awm a; CEIR module hi mobile device/ phone ruk leh tihbote chhui zui theihna a ni.

TAFCOP module hmang hian mobile sub­scri­ber-ten an number hman lai mek mobile connection chu an mahni hmingin a awm ngei em tih an en thei a, hei bakah hian an mobile connection mamawh tawh lohte an titawp (dis­connect) thei dawn a ni.