Delhi-ah Mizo ruang chhar a ni ; a chhungte hriat an la ni lo
Aizawl District Police chuan thuchhuah siamin April 28, 2023 khan Bankhandi Mandir kawt, Chandni Chowk Delhi Police Booth bulah mi tu tih hriat loh mipa kum 40 - 45 inkar vela upa, feet 5 leh inches 4 a sang ruang chhar a nih thu leh ruang chhar hi fingerprint record aṭanga a lan danin Vanlalruata s/o Rual Khuma, Govt. Complex, Luangmual, Aizawl, Mizoram nia hriat a nih thu an tarlang.
Aizawl District Police chuan ruang chhar chungchang hi May 5, 2023 khan Deputy Commissioner of Police, North District, Delhi hnen aṭanga dawn a nih thu tarlangin, "Hmalak zui nghal a ni a, tun thlengin a chhungte emaw, ama nihna diktak hriat theih a la ni lo. Chuvangin, amah emaw, a chhungte hria emaw, a hriat theihna kawnga police-te pui theite chuan phone no. 8794747295/ 8794747293/ 8794747292 ahte hian hriattir turin kan ngen a ni," an ti.