Dapchhuah lui bomb tute man

Dapchhuah Branch YMA-in luidung an humhalh chu May 13, 2023 zingah bomb hmanga beih a ni a, bomb vawmtute hi man an ni tawh.

Bomb hmanga vawmtute hi motor hmanga tlanchhiain um zui nghal an ni. Rawpui-chhip Forest check gate-a duty-te hriattir niin, duty-te'n motor hi an lo tiding a, motor park tha tur anga insawiin an tlan chhe leh a ni. An din lai hian an hmanraw hman bang bomb leh lensuah chu kawngchhak lamah vawm chhuakin, an tlan liam hnu hian an hmanruate hi chhar a ni.

Luidung bomb hmanga beih a nih chungchangah hian Phaileng PS-ah FIR thehluh niin police-te chuan bomb hmanga luidung beitute hi chhui chhuakin, Ricky s/o F Lalrinawma, Ramthar-nghaka s/o Ramfangzauva (L), Francis Lalmuanawma s/o K Zoliantluanga leh Lalrohlua s/o Muanzova, Tlangnuam Vengthar, Aizawl nia inchhalte an man.

Mi palite hi The Mizoram Fisheries (Amendment) Act, 2022 section 6 (1) (a) an bawhchhiat avangin Fisheries Act Section No. 6(2) hmanga hrem tur an ni.

DFDO Mamit chuan luidung humhalh lai Bomb hmanga beihna hi tun chinah thleng nawn tawh lo se, The Mizoram Fisheries Act, 2022 bawhchhe lo hram hram turin mitinte a ngen nghal bawk a ni.