Zirlai zingah ruihhlo ti ṭan an tam

Lunglei DC Ramdin-liani kaihhruaiin nimin khan DC conference hall-ah sorkar hotute, kohhran, khawtlang leh pawl hruaitute'n Lunglei district-a ruihhlo do kawnga beihpui thlak dan tur an sawiho a; Lunglei district-a middle school zirlai zingah ruihhlo ti ṭan an tam tih tarlan a ni.

Ṭhutkhawmah hian Lunglei district-a ruihhlo do kawnga beihpui thlakna turin sorkarin Rs. 7,00,000 a pek thu tarlan niin, "Lunglei district-ah middle school zirlai rual naupangah ruihhlo ti ṭan an tam hle a; sikul, college leh kohhran kaltlangin ngawrh takin awareness campaign neih ni se," an ti a; ruihhlo chungchanga awareness campaign leh hmalak dan tur dangte duang turin core committee an din nghal a ni.