MP hoin Siaha DISHA ṭhukhawm

Siaha District Development Coordination and Monitoring Committee (DISHA) chu an chiarman C Lalrosanga, Lok Sabha MP kaihhruaiin nimin khan DRDO District Rural Resource Centre-ah an ṭhukhawm a; June 2022 - March 2023 chhunga Centrally Sponsored Scheme (CSS) hnuaia hmalak dan leh hmachhawpte an thlirho.

C Lalrosanga chuan, DISHA meeting neih chhan sawiin, "CCS line department-te'n sorkar laipui scheme pawimawh tak takte chu ṭha takin an kalpui theih nan te, harsatna an neihte leh an hmasawnna chinte inhriatpui tawna, line department hrang hrangten thawhhona an neih ṭhat zawk thei nan leh hmalam hun atana scheme leh plan ṭha leh felfai tak duan a nih theih nan buatsaih a ni," a ti a, sorkar department hrang hrangte chu hunbi ruata hnathawh zawh hman tum ṭheuh tur leh mipuite tan theihtawp chhuah ṭheuh turin a fuih.

Meeting-ah hian Line dept. hrang hrangten an hmalak tawhna te, hmachhawp hrang hrangte leh an harsatna tawh hrang hrangte a lem nen an tarlang.