Pawngsualtu kum 10 tang turin hrem

Aizawl District Court-a Special Judge (POCSO Act) Vanlalenmawia chuan hmeichhe naupang kumtlinglo pawngsual ṭhintu Lalhriatpuia, Darlawn chu kum 10 chhung jail tang turin a hrem.

Special Judge hian Lalhriatpuia hi May 17, 2023 khan thiam loh a chantir a, nimin khan a hremna tur puangin - kum 10 chhung jail tang tur leh Rs 3,000 chawi turin a hrem. Pawisa hi a pe thei lo a nih chuan kum 10 chhung jail a tan belh ang.

Lalhriatpuia hian hmeichhe naupang pakhat chu kum 11 mi a nih aṭangin vawi eng emaw zat a pawngsual a, hemi chungchangah hian November 2, 2018 khan Darlawn Police Station-ah FIR thehluh a ni.