AR-in kuhva, heroin leh meizial an man

Assam Rifles sipaite chuan May 20, Inrinni khan Melbuk huam chhungah ram dang aṭanga dan loa lak luh meizial bawm 10 leh kuhva rah ip 30 an man a; a vaiin Rs 17,16,000 hu a ni.

AR sipaite hian May 19 vek khan Ruantlang huam chhungah Myanmar aṭanga dan loa lak luh kuhva rah ip 186 (kg. 11,160 vel) an man bawk a, Rs 78,12,000 hu a ni.

AR-te chuan May 19 khan Ngur khaw huam chhungah heroin (No.4) gram 24.44 an man a, Rs 12,22,000 hu a ni. A neitua puh mi pahnih - Vanlalhriata (29) s/o Zoramliana leh Lalrodawnga (43) s/o Sawikunga, Rabung nia inchhalte an man nghal.

May 19 vek khan Zokhawthar leh Melbuk inkarah ram dang meizial bawm 12, cheng nuai 15.50 hu an man tel bawk.

AR-te hian dan loa lak luh thil an mante hi Champhaia Customs department hnenah an hlan a ni.