Kumin HSSLC-ah sorkar sikulte aiin Kohhran/mimal sikul result ṭha zawk

Higher Secondary School Leaving Certificate (HSSLC) Examination 2023 result tihchhuah takah kohhran leh mimal enkawl sikulte aiin sorkar sikulte result a chhe zawk tlangpui. Science stream tih lohah chuan sorkar sikulte result a chhe ber vek a ni.

HSSLC Examinations 2023-ah hian Arts stream-ah sorkar sikulah 66.55%, deficit school-ah 90.28%, aided school-ah 87.15%, lumpsum school-ah 78.46% leh private school-ah 86.30% an pass a; private candidate zinga 40.94% an pass bawk.

Science-ah chuan sorkar sikulah 59.51%, deficit school-ah 85.21%, aided school-ah 74%, lump­sum school-ah 47.83% leh private school-ah 83.14% an pass a; private candidate zinga 47.62% an pass.

Commerce-ah chuan sorkar sikulah 68.62%, deficit school-ah 92.66%, aided school-ah 69.23%, lumpsum school-ah 100% leh private school-ah 96.83% an pass a; private candidate zinga 25.00% an pass a ni.