Aizawl South-III MNYF intawhkhawm nei

Aizawl South-III bial chhunga MNYF block pahnih leh unit 26-te chuan May 19, 2023 tlai khan Maubuanga Khawvelthanga Rûnah intawhkhawm hun an hmang a, MNYF vice president Zodinpuia'n a hmanpui.

Zodinpuia chuan, Mizoram chu India ram state zinga naupang ber pawl ni mah se, kawng tam takah state dangte entawn niin a sawi a, "Mizoram mai ni lo, India rama political party upa ber pawl MNF hian Mizoram inthlanpui lo awm turah sorkarna a siam chhunzawm leh ngei dawn a ni," a ti.

MNYF Vice President chuan, "Kan hruaitu hmasate’n ram hmasawnna tura an hnathawhte hmuhsak duh loa ZPM-in mipui an zirtir ṭhin hi a pawi hle a, hei hi Mizoram People Forum pawhin zirtirna dik lo tiin a au chhuahpui hial tawh a ni," a ti a; Mizorama political party zingah MNF aia hruaitu nei ṭha an awm lo niin a sawi bawk.