Mipui hriselna zirchiang dawn

National Urban Health Mission nodal officer Dr David Zothangsanga chuan May 19, 2023 khan Health Worker Training Centre, Hall, Kulikawnah mipuite hriselna leh dinhmun zirchianna tur, National Family Health Survey (NFHS-6), Mizoram State Level Training for Field Investigator a hawng.

Field investigator-te hian Mizoram Health department district pariata Primary Sampling Units (PSU) 384-ah zirchianna an nei dawn a; thawh khatnaah mapping leh in tina chengte record an la dawn a, a thawh hnihnaah PSU tin aṭangin chenna in 22 ṭheuha sample an la dawn a ni.

Zirchianna hi hmeichhia kum 15 - 49 inkar leh mipa kum 15 – 54 inkarah neih a ni dawn a; zirchiannain a tum chu Ministry of Health and Family Welfare leh agencies dangte tana policy leh programme siamna tur leh Health department tana mipui hriselna dinhmun data rintlak leh pawimawh pek a ni.