K Vena'n BRO hotupa a kawm

Rajya Sabha MP K Vanlalvena chuan nimin khan Border Road Organisation (BRO) director general Lt. General Rajeev Chau­dhry chu a pisaah a kawm a, NEC kaltlanga cheng vbc 66 senga Sangau - Saisihchhuah kawngpui laih­na tur chungchang a sawipui.

Sorkar thuchhuah tarlan danin, K Vanlalvena hian kum thum kal tawha DoNER Ministry-in NEC kaltlanga cheng vbc 66 sènna tur, Sangau - Saisihchhuah kawngpui laihna tur BRO thawh tura a lo dah tawh, tun thlenga hna bul la ṭan loh leh, he hna thawhna tur sum sanction tawh hnuhkir leh mai tur dinhmuna ding mek chungchang a sawipui.

Border Road Organisation Director General chuan, he hna hi chak leh rang zawka thawh thuai a nih theihna turin hmalak a nih tur thu a lo hrilh.

Hetihlai hian, State Planning Board vice chairman H Rammawi chuan Sangau - Saisihchhuah kawng laihna tur cheng vbc. 66 hi hnathawh a nih lawk loh avangin DoNER Secretary hoa meeting-in an cancel thu leh Mizoram sorkarin a chân tâk thu a tarlang.